Istanbul Sapphire, Istanbul (Turkey)
مجمع سافاير (أو الياقوت الأزرق) وينطقها الأتراك (سفير) يعتبر أعلى مبنى باسطنبول بارتفاع 261 متر.
المبنى فيه 64 طابق (54 طابق فوق الأرض و10 طوابق تحت الأرض)، وهو يحتوي على طوابق سكنيه ومكاتب تجاريه ومجمع تسوقي إضافة إلى سطح المجمع المسمى بـالـ Sapphire Observation Deck أو Istanbul 360° حيث يمكن مشاهدة عاصمة اسطنبول من سطح هذا المبنى العالي…
أول ما دخلنا شفنا تمثال شمعي لـ Michael Jackson، حاطينه دعايه لمتحف الشمع القائم بنفس المبنى (طابق B4) ويحتوي على 56 تمثال لشخصيات مشهوره.
طبعا وقتها كان كريسماس فالزينه كانت تارسه المكان…
المحلات عاديه بس أذكر أن كان في طابق في سوبر ماركت ومحلات مثل اللي بالبازار…
طبعا ماكو على Malatya Pazarı، كل شي عندهم لذيذ وشغلهم ينفع حق الصوايغ…
هالمحل له فروع وايده في اسطنبول…
والحين للهدف الأساسي من زيارة هذا المجمع، حجزنا تذاكر للـIstanbul 360° و Sky Ride Istanbul
قبل الدخول ياخذون صوره تذكاريه بخلفية Green Screen علشان لما تصعدون تختارون الخلفيه اللي تبونها قبل لا تشترونها…
بعد الصوره وقفنا دور ننطر الأصانصير…
وصل ودخلنا واتجهنا إلى السطح…
دخلنا الـ Observation Deck وكان فيها مناظير وقعدات بس للأسف شوي والا ينزل الثلج!
الرؤيه ما كانت وايد واضحه بس مع هذا استمتعت بالمناظر…
بعدها دخلنا وشرينا الصور وقعدنا في Vista Cafe وطلبتلي Hot Chocolate علشان أدفى شوي قبل لا أدخل اللعبه…
الكافيه يطل على القعده الخارجيه…
وصل دورنا باللعبه وعطونا نظارات 3D وقعدنا على الكراسي المتحركه وبلش العرض!
صورت مقطع قصير علشان أعطي فكره بسيطه وبنفس الوقت ما أخرب العرض على اللي يبي يروحله…
وأعتذر عن رداءة الجوده بس الكرسي كان يتحرك والشاشه ثلاثية الأبعاد…
كانت تجربه حلوه وممتعه بنفس الوقت أنصح الكل فيها بزياره قادمه لإسطنبول 🙂
بطلعتنا من المول شفنا الأخ هذا مادري الإخت! أمبيه حده يخرع ومادري ليش يايبينه يوزع بروشرات لمتحف الشمع بس هم صورنا معاه كذكرى مرعبه 😛
Official Website: {Sapphire}
Photos taken by Th.haba with iPhone 4S.
