Mar 03

Review: Turkish Airlines Lounge

Ataturk Airport, Istanbul

في آخر سفره لي قررت أجرب Turkish Airlines

خلالها كانت لنا خمس رحلات، أفضلها اللي من وإلى الكويت كون المسافه أطول فتكون الطياره أكبر وأوسع.

الصور أخذتها بطيارات مختلفه، بس في مرّه كانت الطياره شبه فاضيه فغيرت مكاني وقعدت ورا وأخذت راحتي أكثر خاصة بالتصوير 😉

Business Class

كراسي درجة رجال الأعمال مريحه ولكن مو كثر كراسي القطريه والإماراتيه، أنا أفضل الكراسي اللي ممكن تتمدد بدرجة 180، هالكراسي مريحه وايد والوحيده اللي أقدر أنام عليها بدون ما اتشنج رقبتي بس حظنا بنوع الطياير هالمره ما كان موفق.

Business Class Seats

بالنسبه للـ In-Flight Entertainment System ما عجبني الصراحه، الأفلام محدوده والغريب إن فيه أفلام يابانيه

In-Flight Entertainment System

 ما أذكر شنو الأفلام الأمريكيه اللي موجوده بس أذكر إن ما عجبني شي واكتفيت بالـمسلسلات اللي منزلتها على الـ Blackberry Playbook

أما بالنسبه للأكل….

The Menu

فطبعا الأكل التركي لا يعلى عليه، والوجبات كانت لذيذه وايد…

  الوجبات كلها من  TURKISH DO & CO، ونفس الشركه تقدم كل التجهيزات الغذائيه في Turkish Airlines CIP Lounge  واللي دخلناه في مطار Ataturk

وصلنا اللاونج…

Turkish Airlines CIP Lounge

 في البدايه أحب أقول إنه أحلى لاونج مر علي… التصميم روعه، المكان كبير وفيه قاعات متنوعه، كل شي ممكن تحتاجونه موجود فيه بالإضافه للـ Wi-Fi المجاني.

The Entrance

 في ماسح عند المدخل بمجرد تمرير الـ Boarding يفتح الباب…

The Lounge Map

 هذي خريطه للمكان حاطينها عند المدخل…

The Library

أول قاعه مقابل المدخل هي المكتبه، فيها مجموعه من الكتب أغلبها عن تركيا، وبالوسط طاولة بلياردو…

Pool Table

 والصراحه كان عندنا وقت فلعبنا شوي بعد ما خذيت جوله بالمكان 😛

The Cinema

القاعه اللي بعدها هي قاعة السينما، القاعه صغيره فيها 8 كراسي على ما أذكر. وغالبا يشغلون أوبرا أو عزف أوركسترا… وقتها كانو حاطين Luciano Pavarotti

Popcorn Machine in the Cinema

 حتى الـ Popcorn Machine موجوده 😉

News Room

غرفة الأخبار News Room تقدرون تقرون الجرايد والمجلات فيها بالإضافه إلى إن فيها ٩ شاشات تعرض محطات الإخباريه.

News Room

 وفي 4 ثلاجات فيها كل أنواع المشروبات (نفس اللي بالصوره) موزعه باللاونج وفي متناول الجميع…

Beverages

 بالإضافه إلى كاونتر لتقديم الشاي والقهوه التركيه بجانب غرفة الأخبار…

Turkish Coffee

 وكان في طاوله شكلها يشوق عليها كل أنواع الزيتون…

Olives

طبعا الأكل الموجود مثل ما ذكرت من قبل من TURKISH DO & CO

 البوفيه مفتوح طول الوقت تقريبا، يتغير حسب أوقات الوجبات…

الإفطار إلى الساعه 11:00ص، الغداء من 11:30ص إلى 3:00م ، أما العشاء من 5:00م إلى 9:00م (حسب موقع الخطوط التركيه)

 وغالبا راح يكون في واحد يخبز معجنات جدامكم شغله لذيذ!

 ضروري أنبه على شغله مهمه!

في هذا اللاونج ما في نظام إعلان عن الـ Boarding، المكان متروس شاشات فيها مواعيد الإقلاع ولو إني لاحظت إن مو دايما يتم تحديثها أول بأول لأن مره ظلوا كاتبين “Wait in Lounge” لين قبل موعد الإقلاع بأقل من نصف ساعه، بس لما سألت الـ Concierge Desk قالولي لازم بسرعه نروح البوابه لأنها بتسكر! وتخيلوا إن البوابه كانت آخر المطار وهالمطار حده كبير بس الحمدالله لحقنا حده حده!

إذا رايحين على التركيه، ضروري تكونون عند البوابه قبل ساعه أو ساعه إلا ربع على الأقل من موعد الإقلاع، الواحد الصراحه يفقد الإحساس بالوقت بهاللاونج!

Olive Garden

قاعة الـ Olive Garden  هي من أحلى القاعات بالاونج، وايد حبيت فكرة شجر الزيتون اللي حاطينا فيها وديكور الخشب روعه! واللي يقعد بهالقاعه راح يسمع عزف طول الوقت من الـ Auto-Play Piano اللي موجود فيها.

Olive Garden

 

The Lounge Masseur

 بالنسبه للشباب، إذا محتاجين مساج عالماشي مالكم إلا الـ Masseur!

Kids’ Corner

الـ Kids’ Corner، عباره عن غرفة ألعاب للأطفال وفيها شاشه تعرض أفلام كارتون وشاشه لألعاب الفيديو. وخارج القاعه أكو عدد من أجهزة Laptops بألوان فاقعه لاستخدام الأطفال.

Kids’ Corner

 

The Business Center

بخلاف الـ Business Center اللي كله أجهزة iMac

The Business Center

وبجانب الـ Business Center أكو مدخل للـ Suites و Showers…

Suites & Showers

 

The Ladies Bathroom

 الحمامات نظيفه وتصميمها وايد حلو…

The Ladies Bathroom

 وقريب منها في مصلى للرجال وآخر للنساء… يم كل مصلى غرفة مغاسل للوضوء وفيها مناشف مع Slippers

المصلى صغير لكن يفى بالغرض وما أعتقد يحتاج يكون أكبر من جذي، بس للأسف ما فيه أثواب صلاة.

The Prayer Room

وبجذي أتوقع غطيت كل زاويه بالاونج!

لا تنسون تتسوقون بمطار Ataturk، المطار فيه محلات وايده أهمها Hermes  و Bvlgari، بالإضافه إلى محل بازار فيه فناتق تونس وممكن تحصلون فيه أشياء حلوه وبسيطه حق صوايغ آخر لحظه 😉

Turkish Ice-cream (Dondurma)

 وأختم هالبوست بفيديو من تصويري حق اللي يبيع Dondurma أو الآيس كريم التركي بمطار Ataturk

 YourTube {Link}

 

 

Related Posts Plugin for WordPress, Blogger...
18 comments

18 comments!!!

  1. D17 says:

    Mashallah shklha 5oosh r7laa 🙂

  2. Fetha says:

    Sheno hal mokan el 3ajeeb!
    6ab3n mo nage9km ela silver ;P
    Law knt mawjooda weyach chan tlgainny ga3da ta7t shyarat el zaitoon o m3ai Turkish coffee na6ra t9awreni ;P
    3laikm bl 3afya mashala shaklkm stamta3taw o nshala daimn ykon e5tiyarkm mwafaq bl safraat el yaya 😀

  3. ِAnas84 says:

    al7emdellah 3ala alsalama awal shy ..
    thany shy ana tawni gabel esbo3 6ayer feha !
    bema enne ma rekabt first class 😛 atkalam 3an aldaraja alseya7eya!
    6ayaran fashel jeddan !! men kil alnawa7i bas al akil elle 7low

    o thanx 3ala altaqreer al7low

    • Th.haba says:

      Allah esalmek, thanks! 🙂

      lol@fashel
      oho etha tla7eth benesba lel 6ayara ana ma meda7t shy ella el akel so kind of rayee mn rayek 😛

      bs the lounge is a totally different thing, it’s the best there is!

      • ِAnas84 says:

        awalan al karasi thayja!
        thani shy mako shashat !
        thaleth shy ma gedart ash7an my lap bel 6ayara!

        a7la shy kan turkey nafs.ha 😛 akheeeeeeeeeh

        • Th.haba says:

          LOL! olla bs ma bega shy 3ayal 😛 la walla lel amana ma kan el wath3 ma3ay sayye’a lay hal daraja…

          o Turkey 6ab3an tyanen kether ma el wa7ed ero7laha maymel 🙂

          • ِAnas84 says:

            lanna ana met3awad 3ala al qatariya 3lshan chtheh tafreg ma3ay
            ee walla turkey shy thani ,, ajaw mo9eeeeeba

            yalla al7emdellah 3ala alsalama

  4. Q8me says:

    كشخه والله وحدا يشوق
    قواكم الله على هالريفيو
    🙂

  5. D says:

    awal shay … khoooooshshshshsh tagh6eya .. thany shay el9owar kha6eeeraaa … thaleth shay shino hal ma6ar sheni hal tharaba !!! o thaleth shay kelesh matwaqa3t elmukan haik !! amazing walla :**** ya36eech el3afya :***

  6. rw3aaaa el lounge !!! wallah Turkey laha big future mashallah !! sana3 o tharabah !!!

  7. […] على التركيه واللي سبق وكتب عن تجربتي معاها {رابط} والحمدالله الرحله كانت […]