Oct 09

Mango Cheesecake

طريقه شيز كيك سهله وبسيطه كنت أسويها من قبل بس هالمره ضفت لها نكهه المانجو.

 

 المقادير:

٦ حبات جبن كيري
١ قيمر كي دي دي (أو أي قيمر ثاني نفس الحجم، بس أنا أفضل هذا النوع)
١ علبه بسكويت دايجستف نفس الحجم اللي بالصوره
٢ مغلف دريم ويب
٦ ملاعق Sorbet مانجو مع قطع مانجا

 أول شي حطيت القيمر وعقب الدريم ويب…

 وخلطتهم بخلاط اليد.

 بعد ما خلطتهم عدل ضفت جبن الكيري…

 بس لازم تخلطونهم وايد لما تروح حبات الجبن الصغيره

 و بعدها نضيف ٦ ملاعق المانجو

ونحط الخليط بالعصار اللي نستخدمه لتزيين الكيك، بصراحه أنا أفضل أستخدمه عشان يكون توزيع الخليط مرتب أكثر

 طحنت بسكوت الدايجستف وخليته أول طبقه، بعدين عصرت خليط الشيز كيك فوقه

 آخر شي زينته بحبات الرمان وطلع بهذا الشكل

وانشالله يعجبكم

🙂

Related Posts Plugin for WordPress, Blogger...
comment?