Jan 12

Th.haba’s New Year’s Eve

La Seine, Paris

قضيت ليلة راس السنه في رحله بحريه على نهر السين (La Seine)

وصلنا شوي متأخر عن الموعد لأنه الـ Concierge طوّلوا على ما حصلولنا تاكسي…

The Entrance

أول ما دخلنا لقينا صالة الإستقبال متروسه، طبعا الحضور يفضل بلبس Formal فأغلب الناس كانوا كاشخين… لفت نظري صبيان صغار ملبسينهم Tuxedos شكلهم حده زوقه! للأسف ما كان عندي وقت أصور بهاللحظه لأنه وايد لويه وما كان باجي شي على الـ Boarding.

هذي صوره للقاعه صورتها بطلعتنا…

The Reception Hall

بعد دقايق أعـلنوا عـن بدء الركوب، داخل كانت القعده مقسمه 3 أقسام وبالنص أكو Grand Piano…

A Christmas tree inside the cruise ship

اخترنا نقعد بالوسط…

The table setting

وعلى الطاوله كانوا حاطين خفايف

The Welcome Appetizer

بلشنا نتحرك، وبِدو عازفين البيانو والكمان بالعزف…

Passing by the Eiffel Tower

قدمولنا الطبق الأول…

Smoked Duck Liver, toasted fig bread

أما الطبق الثاني ما كليناه لأنه مطبوخ بـ Wine

Roast scallops

طلعت المغنيه وبدت تغني أغاني كلاسيكيه…

The Cruise singer

قامت تفتر بين الطاولات، أهم شي الحركه “الدراماتيكيه” اللي سوتها لما ييت أصورها لول

وصل الطبق الرئيسي…

Beef fillet tournedos, crushed potatoes with truffles

طبعا باريس روعه بالليل وكان الجو فظيع وفي مطر خفيف…

مرينا على أبرز المعالم واستمتعت بالتصوير، بس الصراحه تحسفت إني خليت الـ DSLR بالكويت

بعد الطبق الرئيسي، قدمولنا جبن ولا ألذ!

Seasonal cheese board

خلال الرحله، كان في مصور يصور صور تذكاريه لكل طاوله، الصوره تنباع بـ 20 يورو على ما أذكر

وصل الحلووو!

Chocolate dome

ووصلنا الـ Port قبل نص الليل، الرحله البحريه كان مدتها ساعتين تقريبا…

أهم شي إنهم وزعوا علينا عدّة الإحتفال! 😛

وصعدنا فوق علشان نشوف برج إيفـل.

للأسف هالسنه ماكو عرض ألعاب ناريه عند البرج، مع هذا كانت تجربه حلوه واستمتعنا فيها وايد…

بعدها قررنا نرد مشي للفندق لأن المسافه مو بعيده ومنها نشوف الوضع بالـ Champs Elysées، كان الشارع مزدحم والشرطه منتشره كل مكان لمنع أعمال الشغب 😛

Avenue des Champs-Élysées

ولو إنها متأخره، بس كل عام وأنتوا بخير 🙂

Related Posts Plugin for WordPress, Blogger...
2 comments

2 comments!!!

  1. D says:

    Amazingggggg simply amazingggg bel3afyaaaaaaa